رغايف مورقين
نصف كيلو فورص
ربع كيلو فينو
بيضة
نصف كاس زيت المائدة
نصف كاس سنيدة
خميرة العجين حسب الجو
شوية الملح
خمارة حمراء ( نخليوها حتى يخمر العجين )
زيت المائدة للتوريق
طريقة تحضير رغايف مورقين
نعجنو المقادير كلها الا الخمارة الحمراء وندلكوها مزيان و نخليوها تخمر
من بعد ما تخمر العجينة ديالنا كنزيدوها الخمارة الحمراء ونعاودو ندلكوها مزيان
نعملوها كويرات صغار
و نسرحوها بحال الى غنديرو المسمن
و نورقوها بالزيت مزيان
و نطويوها و فكل مرة ندهنوها بالزيت حتى نشكلوها بحال مسمنة
و نعاودو نسرحو وحدة اخرى ونورقوها بالزيت ونحطو وسطها الرغيفة لي صاوبنا قبل و نجمعوها عليها و حنا كنورقو بالزيت ( يعني كنديرو وحدة وسط وحدة ) غير 2
نكملو الكويرات لي عندنا و نحطوهم فلاطة ديال الفران كيفما هما يعني غير نطويوهم ونحطوهم بلا ما نكرصوهم
ها هما من بعد ما خمرو ندهنوهم بالبيض مخلط مع شوية الحليب و سنيدة
ندخلوهم للفرن على نار متوسطة
من بعد ما نخرجوهم من الفرن ندهنوهم من الفوق بالعسل مزيان و نرشو عليهم اللوز مهرمش
و ممكن نعملو وسطهم الشكلاط
ليست هناك تعليقات:
إرسال تعليق