أنا ملتزمة وحلوة وجميلة ..
والبنات التانية وحشة وبتغضب ربنا
شوف البنت واقفة إزاي مع الواد قدام كل الناس كده ومش هاممها حاجة
ولا التانية اللي لبسها مفصل كل جسمها .. واللي هتتشوي في نار جهنم إن شاء الله بسبب اللبس ده !!
ولا التالتة اللي هناك دي واللي وشها كله ميكب وأصلاً مهما عملت برضو شكلها وحش
#وإذ_فجأة !!
أنا كمان بدأت أكره اللبس الواسع ولبست ضيق .. بدأت محبش شكلي وأحاول أداريه بالميكب .. بدأت أعجب بالشاب الفلاني اللي معايا في الشغل ولا الكلية
وسبحان الله البنت الأولى تابت وبدأت تحفظ قلبها وربنا رزقها بالزوج الصالح ..
والتانية والتالتة عرفوا مواصفات الشكل واللبس اللي يرضي ربنا وبدأوا يغيروا من نفسهم ..
وأنا فضلت زي ما أنا .. بتقدم ،،، لكن للأسوء !!
#قصة_ممكن_ببساطة_جداً_تحصل_لأي_حد_فينا
أي حد وصل لدرجة معينة من القرب من ربنا .. بيجيله وقت ويحس إنه بقى حاجة حلوة ، بيجيلة وقت ويحس إنه بقى أحسن من ناس كتير ...
وبعدها .. بيبدأ يتغر بطاعته ويحس أنه جميل ونضيف وهما وحشين ..
رغم إنه ببساطة شديدة ممكن يبقى زيهم ..
مهما قاوم .. مهما حاول .. ممكن جداً في لمح البصر يبقى أسوأ منهم
كلمتين ليا قبل أي حد :
لازم نردد دايماً .. اللهم يا مقلب القلوب ثبت قلبي على دينك .
لازم نبطل نتكلم عليهم .. نبطل نحس إننا أحسن منهم .
مطلوب منك تنصحهم بالحكمة .. تدعيلهم .. وبعدها تخليك في حالك وتحاول تفضل على الطريق .. علشان تموت عليه
#محدش_فينا_أحسن_من_التاني
#يارب_ثبتنا
#يارب_نموت_واحنا_لسة_على_الطريق
لــ #رقية_طه
اللهم يامقلب القلوب ثبت قلبى على دينك
ليست هناك تعليقات:
إرسال تعليق